شو كان صار لو كذبنا ع بعض اليوم ..
لو قلتلي انك بتحبني ..
انك شتقتلي ..
انك ندمت ع كل لحظة مرقت بحياتك بدوني ..
انك مشتاق نرجع تفاصيل حياتنا سوا ..
انك مشتاق تضمني متل المراهقين ..
مشتاق تعزف تحت بيتي والجيران يكبو عليك مي ..

كذب عليي ..
و وعدني انك رح ترجع كل شي حلو راح ..
رح ترجعلي ضحكتي ودقات قلبي يلي سرقتها مني ..

كذبك حلو .. وشو حلو لما كنت شي كذبة بحياتك ..

بكل المجتمعات
الحب عندهن حرب عواطف
بيتسابقو مين بدو يحب التاني اكتر
مين بدو يعطي اكتر !!!
الا عنا
فوق الحرب الحزينة
عنا حرب " استنزاف بالحب " !!!
بتلاقي الطرفين عم يتسابقو مين يقهر التاني اكتر
يحرقو اكتر ... يوجعو اكتر ..
والشاطر اللي بيترك للتاني جرح اكبر لما يتركو ....
ليش هيك !!

عايز اتطمن عليك .. و أنسى روحي بين ايديك ..
نفسي كمل عمري جنبك .. نفسي عيش عمرين معاك ..
وانسى حضني جوا حضنك .. نفسي اتنفس هواك ..

هي غنيتنا المفضلة ..يلي كنا كل ما نسمعها نضحك ..
كنت تطلع بعيوني و تقلي بحبك ..
بس هلأ صارت هالغنية تبكيني ..
كل ما بسمعها بتذكر وين كنا وكيف صرنا ..
بتذكر انك صرت برا البلد مع أهلك ..
بتذكر ان من زمان ما سمعت صوتك .. ولا شفت ضحكتك ..
من زمان كتير ما حسيت بدفا ايدك .. من وقت ودعتني قبل ما تسافر ..
كلماتك قبل ما تسافر لهلأ ببالي ..
" ياريت بقدر اخدك معي .. نسافر سوا .. بس ما فيني قلك أكتر من ديري بالك ع حالك ..
خليكي ناطرتيني .. لأني راجع .. ولأني بحبك .. ولأني بحب بلدي رح ارجع ..
استنيني .. بحبك "

بحب حالي ..

بحب حالي ..
وبكتب لحالي ..
بعيش مع حالي قصة حب كلها رومنسية ..
وبستنى الليل ليجي مشان اشتاق لحالي أكتر ..
بحلم بحالي عم اشتاق لحالي ..
بزعل منو ...
وبيزعل مني ..
و تنيناتنا بنراضي بعض ع طول ..
بحياتي ما خنتو ولا هو بفكر يخونني ..
متفاهمين كتير كتير ..
بلبسو احلا لبس وباخدو احلا مشاوير ..
ما بعمري نمت ونحنا زعلانين من بعض ..
بحبو كتير كتير ...

#بحب_حالي

مــعــي ومـــشّ مـعــي

مــعــي ومـــشّ مـعــي
الـــي ومــــشّ الــــي
_____________________________
مشتاقتلّو كتيرّ ..
بتحكي معو .. بس عقلها بعالم تاني ..

بتقلّو بحبّك ... اشتقتلّك ..

بس هيّ مشغولة ..
بس هالمرّة مو مشغولة لا بالواتس ولا بالانستغرّام ..
مشغولة بحدا ممكنّ يسرقها من احلامها معوّ ..
حدا مّمكن يعملهّا زوجة الوّ .. وهوّ بعيد عنهاّ ..
حدا يسرقّ منها ضحكّتها واحلاّمها وحياتهّا يلّي حلمّت فيها معو ..
حدا رح ياخّدها من احلامها تحتّ مسمّى النّصيب ..
رح يسرقها من حبّها .. لانو قدّرها ..
معقول النّصيب يكون قاسي ّهيك ع قلوبنا !!!!
______________________________